RRR Teaser: కొమురం భీమ్ వచ్చేసిండు, గర్జించిన జూ.ఎన్టీఆర్…
1 min read
కొమురం భీమ్ Image Source: Youtube
హైదరాబాద్ విముక్తి కోసం అసఫ్ జహి రాజవాసానికి వ్యతిరేకంగా పోరాడిన తెలంగాణ ముద్దు బిడ్డ, ఆదిలాబాద్ కి చెందిన గిరిజనోద్యమ నాయకుడు మన కొమురం భీమ్ . ఆయన జయంతి సందర్భంగా మన దర్శక ధీరుడు ఎస్.ఎస్. రాజమౌళి సృష్టించిన కొమురం భీమ్ (జూ.ఎన్టీఆర్ ) మన ముందుకు వచ్చాడు. బాహుబలి సీరిస్ తరువాత ఎస్.ఎస్. రాజమౌళి తెరకెక్కిస్తున్న సినిమా ఆర్ ఆర్ ఆర్ (RRR). ఈ సినిమాలో కొమురం భీమ్ గా నటిస్తున్నాడు మన జూ.ఎన్టీఆర్.
ఎప్పటినుండో జూ.ఎన్టీఆర్ ఫ్యాన్స్ ని ఊరిస్తున్న జక్కన్న ఈ సందర్భంగా కొమురం భీమ్ టిజర్ ని విడుదల చేసారు. జూ.ఎన్టీఆర్ పుట్టిన రోజు సందర్భంగా విడుదల కావాల్సి ఉన్నా, కొన్ని కారణాల వల్ల విడుదల కాలేదు. విడుదల అయిన కొమరం భీం టిజర్ కి రామ్ చరణ్ వాయిస్ ఇవ్వడం జరిగింది. ఈ కొమరం భీమ్ గొప్పతనాన్ని వర్ణిస్తూ చెప్పే విధానం ఆకట్టుకుంది. అయితే ఇక్కడ మరో సారి ఎస్.ఎస్. రాజమౌళి విజువల్ వండర్ కనబడుతుంది. నీళ్ళు, సముద్రం, అలలు ఇలాంటి విజువల్స్ చూస్తే బాహుబలి గుర్తుకు వస్తుంది. అయితే అప్పుడే ఈ టీజర్ పై నెటిజన్స్ సోషల్ మీడియాలో ట్రోలింగ్స్ మొదలయ్యాయి. ఈ టీజర్ లో వాడిన కొన్ని విజువల్స్ అక్కడివి, ఇక్కడివి అని వెతికి సోషల్ మీడియాలో కొందరు ప్రచారం మొదలు పెట్టారు.
కానీ మనం ఇంతవరకు చూడని జూ.ఎన్టీఆర్ ని చూసినట్టు అనిపిస్తోంది. ఈ కొమురం భీమ్ టీజర్ మాత్రం ఫ్యాన్స్ కి తెగ నచ్చేలా ఉంది. ఫ్యాన్స్ కోరుకునే విధంగా జక్కన్న టీజర్ ని తయారు చేసాడు.
ఈ డైలాగులు విని ఫ్యాన్స్ పండుగ చేసుకుంటున్నారు.
వాడు కనబడితే సముద్రాలు తడబడతాయ్
నిలబడితే సామ్రాజ్యాలు సాగిల పడతాయ్
వాడి పొగరు ఎగిరే జెండా
వాడి ధైర్యం చీకట్లను చీల్చే మండుటెండ
వాడు భుతల్లి చనుపాలు తాగిన మన్యం ముద్దుబిడ్డ
ఈ డైలాగులకు తగ్గట్టు యం.యం. కీరవాణి బాక్ గ్రౌండ్ మ్యూజిక్ అదిరిపోయేట్టు ఇచ్చారు అని చెప్పొచ్చు.
మీరు కుడా ఈ టీజర్ ని చూసేయండి
