GHMC ఎన్నికల నోటిఫికేషన్ విడుదల… GHMC elections notification 2020

జీహెచ్ఎంసీకి మోగిన ఎన్నికల గంట… డిసెంబర్ 1 న పోలింగ్, 4 న కౌంటింగ్ , 20 న నామినేషన్ల చివరి తేదీ, 22 న విత్ డ్రాయల్,  మేయర్ గా జనరల్ మహిళకు రిజర్వేషన్. .. బ్యాలెట్ పత్రాల ద్వారా ఓటింగ్….  గ్రేటర్ హైదరాబాద్ మున్సిపల్ కార్పొరేషన్ ఎన్నికల నగారా మోగింది . మంగళవారం రాష్ట్ర ఎన్నికల సంఘం నోటిఫికేషన్ విడుదల చేసింది. హైదరాబాద్ లోని మాసబ్ ట్యాంక్ లో ఉదయం 10.30 గంటలకు రాష్ట్ర ఎన్నికల కమిషనర్ పార్ధసారధి షెడ్యూల్ విడుదల చేశారు.

నోటిఫికేషన్ తో పాటే షెడ్యూల్ ను కూడా ప్రకటించారు . బ్యాలెట్ పద్దతిలో కోవిడ్ నిబంధనల మేరకు ఎన్నికలను నిర్వహిస్తారు. గ్రేటర్ పరిధిలోని 150 వార్డులకు ఎన్నికలు జరుగనుండగా .. బుధవారం నుంచి మూడు రోజుల పాటు ఈ నెల 20 వ తేది వరకు నామినేషన్లు స్వికరించనున్నారు. 21 వ నామినేషన్ల పరిశీలన , అదే రోజు అభ్యర్థుల జాబితాను ప్రకటించనున్నారు. 24 న ఉపసంహరణ కార్యక్రమం ఉంటుంది. అదే రోజు గుర్తులు కేటాయించనున్నట్లు తెలిపారు . డిసెంబర్ 1 న పోలింగ్ జరుగనుండగా.. అవసరమైతే డిసెంబర్ 31 న రీపోలింగ్ నిర్వహించనున్నట్లు ఎన్నికల కమిషనర్ తెలిపారు . ఉదయం ఏడు గంటల నుంచి , సాయంత్రం 5 గంటల వరకు పోలింగ్ జరుగుతుందని చెప్పారు.

4 వ తేదీన ఓట్ల లెక్కింపు నిర్వహించి , ఫలితాలు ప్రకటించనున్నట్లు వెల్లడించారు. షెడ్యూల్ విడుదలతో తక్షణమే  ఎన్నికల కోడ్ అమలులోకి వచ్చిందని చెప్పారు. ఈ సారి ఎన్నికల్లో వార్డుల విభజన లేదని, 2016 లో మాదిరిగానే 150 వార్డులకు, అవే రిజర్వేషన్లలో ఎన్నికలు నిర్వహిస్తున్నట్లు తెలిపారు. జీహెచ్ఎంసీ ఎన్నికలు బ్యాలెట్ పద్ధతిలోనే జరుగుతాయని పార్థసారథి తెలిపారు . జీహెచ్ఎంసీ చట్ట ప్రకారమే 150 వార్డులకు ఎన్నికలు నిర్వహిస్తామని, 2016 జీహెచ్ఎంస్ ఎన్నికల్లో అమలైన రిజర్వేషన్ ఇప్పుడూ కొనసాగిస్తామని తెలిపారు . రిజర్వేషన్ల కేటాయింపులు అనేది ప్రభుత్వ వ్యవహారమని, అసెంబ్లీ ఓటర్ల జాబితా ఆధారంగానే ఈ ఎన్నికలు నిర్వహిస్తామని పేర్కొన్నారు.

2020 జనవరి 1 నాటికి 18 ఏళ్లు పూర్తి చేసుకున్న వారు ఓటు వేసేందుకు అర్హులని వివరించారు. బల్దియా పరిధిలో ఉన్న ఓటర్లలో 12.09 శాతం పరుషులు, 47.90 శాతం మహిళలు ఉన్నారని వివరించారు.