Chiranjeevi and Harish Shankar Movie announcement soon.
1 min read
Chiranjeevi Movie with Harish Shankar
త్వరలో ప్రకటించనున్న చిరంజీవి, హరీష్ శంకర్ మూవీ!
ఈ మధ్యనే రామ్ చరణ్ ఒక ఇంటర్వ్యూ లో నా కంటే నాన్న ఎక్కువ సినిమాలు ఫైనల్ చేస్తున్నారు. నేను బుచ్చి బాబు సినిమా ఒకటే ఉంది, నాన్నకి 5 సినిమాల వరకు ఉన్నట్టు హింట్ ఇచ్చాడు. అలాగే పరువు వెబ్ సీరిస్ ప్రచారంలో భాగంగా చిరంజీవి కూతురు త్వరగా ముగించేస్తే నాన్న కోసం కథని ఫైనల్ చేయాలి, వెళ్ళాలంటూ చెప్పడం జరిగింది.
ఇవ్వన్ని చూస్తుంటే మెగాస్టార్ చిరంజీవి వరుస పెట్టి సినిమాలకు పచ్చ జెండా ఊపినట్టు తెలుస్తోంది. అందులో భాగంగానే ఇప్పుడు ఇండస్ట్రీ లో , సోషల్ మీడియాలో ఒక వార్త చక్కర్లు కొడుతోంది.
తమ్మడు పవన్ కళ్యాణ్ కి గబ్బర్ సింగ్ తో బ్లాక్ బస్టర్ ఇచ్చిన హరీష్ శంకర్ దర్శకత్వం లో చిరంజీవి నటించబోతున్నట్టు తెలుస్తోంది. చాలా రోజులుగా హరీష్ శంకర్ చిరంజీవికి ఒక స్టొరీ లైన్ చెబుతున్నాడట. అయితే చిరంజీవి చెప్పిన కొన్ని మార్పులతో హరీష్ శంకర్ ఫైనల్ డ్రాఫ్ట్ ని తయారు చేసి చిరంజీవి నుండి గ్రీన్ సిగ్నల్ పొందాడట.
అయితే చిరంజీవికి చాలా మంది దర్శకులు కథలు చెపుతున్నారు. కొందరితో దాదాపు సినిమా మొదలు పెడదామనేలోపే ఆ ప్రాజెక్ట్ లు అటకెక్కాయి. అనుకోకుండా బింబిసార దర్శకుడు వశిష్ట కి చిరంజీవి దర్శకత్వం వహించే అదృష్టం వరించింది. ఆ క్రమంలోనే మోహన్ రాజా పేరు కూడా వినిపించింది. కానీ ఇపుడు చిరంజీవి హరీష్ శంకర్ కథకి గ్రీన్ సిగ్నల్ ఇచ్చాడట. దీనికి సంబంధించిన ప్రకటన త్వరలో రాబోతోందని తెలుస్తోంది.
అయితే ఈ సినిమాని పీపుల్స్ మీడియా సంస్థ వారు చిరంజీవి కూతురు సుస్మిత తో కలిసి నిర్మిస్తున్నట్టు తెలుస్తోంది.
ప్రస్తుతం చిరంజీవి విశ్వంభర సినిమాతో బిజీ గా ఉంటె, హరీష్ శంకర్ రవి తేజ తో Mr. బచ్చన్ సినిమాని పూర్తీ చేసి విడుదల చేసే పనిలో ఉన్నాడు.
